Mjeshtri i stacionit të Larisës, i cili është arrestuar dhe përballet me akuza të rënda penale për tragjedinë në Tempi me përplasjen e dy trenave, dyshohet se është njoftuar 17 minuta para aksidentit fatal se një tren tregtar po lëvizte në të njëjtën trase me atë të pasagjerëve.
Sipas buletinit kryesor të lajmeve të Star, drejtuesi i stacionit në Neios Poros, stacioni menjëherë pas atij të Larisës dhe pak kilometra larg vendit të përplasjes në Tempi, dyshohet se kishte informuar kolegun e tij për trenin e mallrave.
Në fakt përditësimi është bërë nëpërmjet komunikimit të brendshëm mes dy drejtuesve të stacionit, i cili është regjistruar.
Në mënyrë të veçantë, drejtuesi i stacionit i cili është arrestuar dyshohet se është njoftuar në orën 23:04, 17 minuta para përplasjes në Tempi, se treni tregtar po nisej nga Neos Poros në drejtim të Athinës.
Vihet re se mjeshtri i stacionit ishte ndër të parët që u thirr për të dëshmuar pranë autoriteteve që po hetonin tragjedinë në Tempi.
Shefi i stacionit akuzohet për shkelje të sigurisë së transportit, sulm të rëndë dhe vrasje të pavullnetshme. Ai do paraqitet në gjykatë të shtunën, 4 ditë pas tragjedisë.
Sipas deklaratave të avokatëve të tij, drejtuesi i stacionit e pranon fajin e tij për tragjedinë.
