Eksperienca në Big Brother Vip Albamnia nuk përfundoi ashtu siç Kejvina Kthella do të kishte dëshiruar dhe la një shije të hidhur për modelen simpatike, për mënyrën sesi rrodhën ngjarjet dhe vetë shuplakën ndaj Luizit që bëri bujë në rrjet.
Kejvina është e vetmja nga banorët e larguar që refuzoi të shfaqej në studion e BBVIP dhe njëherësh në programin Big Brother Fun Club, e madje nuk u shfaq as në rrjetet e saj sociale për më shumë se 2 javë pasi doli nga shtëpia.
Më pas me një dron dërguar në shtëpi ku mbi foton e saj dhe të Luiz Ejllit kishte shkruar “Të dua shumë”, dhe një postim të gjatë, modelja shpjegoi të gjithë faktorët që e çuan te shpërthimi në atë natë Prime, duke kërkuar falje dhe nënvizuar se këngëtari shkodran është i vetmi mik i saj brenda asaj shtëpie.
Pas kësaj, Kejvina duket se i është rikthyer jetës normale, madje duke postuar shpeshherë në Instagram foto dhe video nga pushimet e saj. Madje në Afrikë, teksa zhvillonte turin në savana, ajo postoi edhe foton e një luani, për të treguar mbështetjen për Luizin, si i vetmi “mbret” i shtëpisë së BBVIP.
Por pas ndalesës në Afrikë, duket se Kejvina është “arratisur” në një tjetër destinacion turistik, pasi prej disa ditësh poston nga ishulli indonezian i Balit duke shijuar plazhin dhe natyrën mbresëlënëse.
Kejvina gjithashtu ka zbuluar se në këto pushime po shoqërohet nga vëllai i saj i vogël Lajdon Kthella, për të cilin sa heqë që ka folur e ka cilësuar si mbështetjen e saj më të madhe.
