Vijon të jetë prej disa ditësh i pushtuar nga bora shteti i Kalifornisë, në një ngjarje klimaterike që nuk shënohej në këtë zonë prej më shumë se 34 vitesh.
Stuhia e borës, era e forta dhe ngricat i ka gjetur të papërgatitur banorët e ‘shtetit të diellit’, të cilët kanë hasur vështirësi në përditshmërinë e tyre që nga ngrohja e deri tek udhëtimet për në punë.
Dhjetëra rrugë janë mbyllur përkohësisht, ndërkohë që më shumë se 120 mijë shtëpi kanë mbetur pa energji elektrike.
Situata më e vështirë paraqitet më veri-lindje të Los Angelos, atje ku bora ka arritur në trashësinë deri në 2 metra.
Të shtunën pasdite, Shërbimi Kombëtar i Motit paralajmëroi se udhëtimi ishte pothuajse i pamundur përmes qarqeve Los Angeles, Ventura dhe San Bernardino
