Parashikimi i meteorologëve për përkeqësimin e motit në zonën e Vlorës ka bërë që Autoritetet Portuale të marrin masa për lëvizjen e mjeteve të lundrimit.
Për këtë arsye, duke filluar nga ora 22:00 e mbrëmjes dhe deri më datë 26 shkurt, do të ndalohet lundrimi për të gjithë mjetet e vogla, si dhe anijet e peshkimit që operojnë jashtë gjirit të Vlorës.
Ndërkohë, anijet e transportit ndërkombëtar detar, në veçanti tragetet e pasagjerëve, do të vazhdojnë të operojnë normalisht sipas destinacioneve.
Një përmirësim i situatës hidrometeorologjike parashikohet pas datës 27 shkurt.
