Një lajm i bujshëm vjen nga Gjilani, aty ku një fytyrë e njohur e kampionateve të Shqipërisë dhe Kosovës, dhe në përgjithësi të futbollit ballkanas. është arrestuar sot pas një fletë-arresti ndërkombëtar.
Bëhet fjalë për sulmuesin nigerian Teophilus Solomon, bomberin e Gjilanit që ka patur një të kaluar pozitive me Partizanin e Tiranës, ekip me të cilin ka shënuar 12 gola në 48 ndeshje.
Futbollisti 27-vjeçar ka rënë në pranga pas urdhrit që vjen nga këreksa e drejtësisë shqiptare, për një episod të tre viteve më parë, ku ai akuzohet se ka dhunuar ish-të dashurën, e cila është nënshtetase shqiptare.
Për të njëjtën akuzë, Solomon ishte arrestuar edhe në Shqipëri, por më pas ishte lënë i lirë .
Solomon është rritur si futbollist në Kroaci, ku ka qenë pjesë e disa ekipeve si Iskra dhe Zadari, për të kaluar pa shumë sukses në ekipe me emër si Partizani i Beogradit, Ujpesti dhe Omonia e Nikozia, para se të transferohej tek Partizani shqiptar, ku pati edhe pjesën më interesante të karrierës. Me Gjilanin, deri më tani në 18 ndeshje kishte shënuar 6 gola.
