Kiara po hante drekën e vetme, ndërkohë që Luizi ka shkuar të flasë me të
Luizi i ka hapur muhabetin Kiarës, duke i thënë se çfarë muzike do të përdorin për shfaqjen që kanë në darkë për FIKS FARE dhe Kiara i thotë: “ça të duash, por të jetë muzikë moderne”.
Në ato momente Luizi i thotë se është shumë sëmurë.
“Kam dhimbje të tmerrshme koke, më duket se po më rikthehet stafilokoku. E di ça është, po më ndahet rrashta”, i thotë Luizi Kiarës.
Më pas, ai largohet dhe i thotë Kiarës pse i ke lënë ato pajisjet e cigares në cep të tavolinës. Por Kiara e mërzitur se ai nuk i ka folur gjithë ditën i kthehet: “U kujtove të flasësh, se nuk ke thënë as mirëmëngjes”.
Luizi i thotë s’ka lidhje se “po më ndahet koka” dhe largohet drejt dhomës së gjumit. Por pa kaluar as dy minuta dhe thërret Kiarën për t’u sqaruar.
Kiara i thotë pse qëndron ashtu se të ka ngelur qejfi që mbrëmë për gërhitjen, por ai i thotë mos bërtit dhe kur të mësohesh për të folur me zë të ulët, hajde fol me mua.
Në ato momente, Luizi i kthen kurrizin, ndërsa Kiara i thotë mirupafshim dhe largohet sërish.
Që prej një nate më parë, ata nuk flasin me njëri-tjetrin dhe e shmangin pothuajse në çdo moment, duke qëndruar larg njëri-tjetrit.
