Kukësi ka arritur të marrë një fitore me peshë të madhe në shtëpi përballë Partizanit, në sfidën e raundit të 23-të të Kategorisë Superiore që u luajt në orën 13:00.
Verilindorët arritën të shënonin golin e vetëm të kësaj sfide në minutën e 22-të me anë të Taipit. Lojtari i Kukësit shënoi një gol fantastik me rrofeshat.
Pjesa e parë ka patur pak tension dhe kartonat e verdhë nuk kanë munguar, me gjyqtarin kryesorë që ka treguar dy të tillë për secilën skuadër.
Pjesa e dytë pati disa raste konkrete, por nuk u kthyen në gol.
Me këtë fitore, Kukësi ka mundur të marrë tre pikët e arta dhe renditet tashmë në vendin e 8-të, por ende ndodhet në zonën e ftohtë të tabelës, pasi sipër tyre ndodhet Teuta dhe të dy ekipet ndajnë nga 28-të pikë.
Ndërkohë, Partizani me këtë humbje ka lëshuar shansin e artë për të barazuar me pikë Tiranën kryesuese.
