Një automjet ka marrë flakë në ecje teksa ishte duke lëvizur në aksin rrugor Vlorë-Kuç.
Policia bën me dije se mëngjesin e kësaj të premte është djegur automjeti tip “Nisan” me drejtues personin me inicialet A. K.
Fatmirësisht nga flakët janë shkaktuar vetëm dëme materiale, ndërsa dyshohet se zjarri është shkaktuar nga një defekt në mjet.
Grupi hetimor po punon për sqarimin e plotë të rrethanave të ngjarjes.
