Një “çerdhe” prostitucioni e kamufluar si qendër masazhesh në Tiranë, është mbyllur pas një aksioni të policisë që ka çuar pas hekurave tre nga vajzat që ishin të punësuara aty.
Uniformat blu bëjnë me dije se dy vajza 20-vjeçrae dhe “kolegia” e tyre 23 vjeçe janë pas hekurave, ndërsa një e katërt është shpallur në kërkim, për ushtrim të prostitucionit.
Sakaq në gjendje të lirë është proceduar një 36-vjeçare.
“Specialistët për Hetimin e Trafiqeve të Paligjshme arrestuan shtetaset R. L., 20 vjeçe, G. Xh., 23 vjeçe, V. Ç., 20 vjeçe, të treja banuese në Tiranë, dhe shpallën në kërkim shtetasen A. L., 23 vjeçe. Gjithashtu, nisi procedimi në gjendje të lirë për shtetasen A. V., 36 vjeçe. Këto shtetase ishin të punësuara në një qendër masazhesh, në të cilën, përveç aktivitetit të regjistruar si qendër masazhesh, ushtrohej edhe aktiviteti i kundërligjshëm i prostitucionit”, thuhet në njoftimin e policisë.
