Një aksident i rëndë ka ndodhur në Mal të Zi mbrëmjen e kësaj të shtune, duke i shkaktuar vdekjen tragjike tre të miturve që udhëtonin me të.
Mediat vendase raportojnë se makina e tyre ka përfunduar në lumë, duke bërë që tre 16 vjeçarët të ndërrojnë jetë në vend.
Aksidentit ka mundur t’i shpëtojë vetëm një moshatar i tyre, i cili po merr trajtimin mjekësor në spital, por mësohet se ndodhet në gjendje të rëndë për jetën.
Sipas mediave malazeze, automjeti me të cilin udhëtonin të rinjtë ka përfunduar në lumë teksa qarkullonte në rrugën kryesore Rozhaje-Baq.
