Zhvillimet e reja për çështjen “Colonos” që lidhet me përdhunimin dhe sfrytëzimin për prostitucion të një 12-vjeare në Greqi janë teper tronditëse, pasi gjashtë arrestime të reja paralajmërohen nga mediat helene.
Arrestimet e reja priten pas dëshmisë së re të 12-vjeçares, e cila u përdhunua vazhdimisht për para në takimet e planifikuara për të nga Elias Michos.
Dëshmia e fëmijës 12-vjeçar në fillim të shkurtit shënoi një raund të ri arrestimesh, me pasojë arrestimin e pesë meshkujve, mes të cilëve një dermatolog 65-vjeçar që përdhunoi fëmijën në zyrën e tij.
Pas rrëfimit të tyre në hetuesi, katër nga pesë personat u lanë në masën e paraburgimit, ndërsa i pesti u la i lirë me kushte shtrënguese.
Sipas Mega-s, të paktën gjashtë meshkuj të tjerë, mes tyre edhe një dentist, janë njohur nga fëmija dhe së shpejti edhe ata do të plotësojnë 33 persona që kanë kaluar “pragun” e hetuesisë për këtë rast.
Madje, sipas të njëjtit raport, njëri prej të arrestuarve ka një vajzë afërsisht 12-vjeçare, me të cilën fëmija luante në sheshin e zonës.
Në periudhën e ardhshme, nëna e 12-vjeçares, e cila ndodhet në paraburgim pasi akuzohet si tutore, pritet të bëjë kërkesë për lirim për herë të dytë.
“Nuk ka rrezik që nëna të ikë jashtë shtetit, as të kryejë krime të reja, kjo grua duhet të lihet e lirë të shkojë te fëmijët e saj. Dhe ju bëj me dije se 12-vjeçarja kërkon vazhdimisht nënën e saj dhe nga asnjë deklaratë e saj nuk ka dalë asgjë”, tha Apostolos Lytras, avokati i nënës së 12-vjeçares.
Së fundmi, theksohet se vajza ka takuar nënën e saj pas një kohe të gjatë në burgun e Korydallos ku po mbahet. Vlen të theksohet se fëmija deklaron që në momentin e parë se nëna e saj nuk ka asnjë lidhje me rastin e përdhunimit dhe tutorëve.
