Paraditen e sotme ambasadorja e SHBA-ve Yuri Kim së bashku me përfaqësuesin Special për Çështjet Tregtare dhe të biznesit në DASH, Dilawar Syed u ndalën në Kryesinë e Kuvendit për takime me kryetarë dhe nënkryetarë të Komisionit të Jashtëm, të Integrimit dhe ata të Ekonomisë.
Ambasadorja vijoi të heshtë duke mos u prononcuar për mediat pasi doli nga Kryesia, por është deputetja e Partisë Demokratike Jorida Tabaku, që ka zbuluar detaje nga takimi.
Tabaku ka ndarë në Twitter disa foto nga takimi me Yuri Kim dhe zyrtarin e lartë të DASH, duke shkruar se bashkë kanë diskutuar mbi klimën e biznesit, korrupsionin dhe problemet me kontratat selektivë.
Kënaqësi diskutimi me @BizAtState mbi klimën e biznesit, korrupsionin endemik që pengon shfrytëzimin e potencialit të jashtëzakonshëm të vendit. Problemet si kontratat selektive, ligjet speciale & mungesa garës cënojnë biznesin.🇦🇱🇺🇸 pic.twitter.com/yVfDPAuWwB
— Jorida Tabaku (@jorida_tabaku) February 17, 2023
Sipas Tabakut, tema më e nxehtë që është shtruar në tryezën e diskutimeve ishte amnistia fiskale, e cila konsiderohet e keqja më e madhe për biznesin në vend.
“Kënaqësi diskutimi me @BizAtState mbi klimën e biznesit, korrupsionin endemik që pengon shfrytëzimin e potencialit të jashtëzakonshëm të vendit. Problemet si kontratat selektive, ligjet speciale & mungesa garës cenojnë biznesin. Amnistia Fiskale është e keqja e madhe dhe për sa kohë do mbajë një votë në kuvend. Ajo do jetë kundër saj, pasi cenon barazinë para ligjit dhe bizneseve të ndershëm taksapagues! Shqipëria???????? ka potencialin për të zgjeruar më tej partneritetin strategjik me SHBA në fushën e energjisë, teknologjisë, konkurrencën në porte dhe energjinë e gjelbër! Sfida kryesore mbetet emigrimi dhe meritokracia! Duhet të bëjmë gjithçka të mbajmë të rinjtë këtu,” shkruan Tabaku.
