Drejtori i Top Albania Radio, Ledion Liço, i ftuar në “Wake Up” për të folur në 25-vjetorin e medias që drejton nuk i ka shpëtuar dot pyetjeve rreth reality shoë-t më të ndjekur në Shqipëri, “Big Brother VIP2”.
I pyetur nëse e ka ndjekur BB VIP, duke qenë se i ka qëndruar larg, Liço tha: “Absolutisht! Muajin e parë pata një periudhë fiksimi, edhe pse janarin e filluam të gjithë si lehtshëm. Muajin e parë e gjeja veten si kufomë përpara një ekrani, e shikoja edhe gjëra të vogla, larjen e enëve nga dikush. Është fiksues, është i pashmangshëm. Unë pastaj vendosa me kast, sepse të merr kohë. “Big Brother”-in e sheh si tifoz”.
Teksa u pyet nëse është bërë tifoz i ndonjë prej banorëve Liço,, i cili ka qenë edhe moderatori i formatit vite më parë, u shpreh: “Natyrisht. Nuk zhbalancohem dot. Se kaq duan pastaj”.
