Pas përfundimit të protestës përpara Parlamentit, dy persona janë shoqëruar në komisariat nga policia.
Mësohet se ata janë shoqëruar pas mbylljes së protestës, në mënyrë që të mos krijohen tensione.
I gjithë tubimi që zgjati për të paktën 2 orë, u shoqërua me episode të shumta tensioni.
Protestuesit janë përplasur me policinë, teksa tentuan të thyejnë kordonin e efektivëve. Qytetarët hodhën edhe fishekzjarre dhe tymuese drejt Parlamentit.
