Ka ndërruar jetë ditën e sotme në Kenia 22-vjeçarja Joy Ayoko që u dhunua barbarisht në Tiranë.
Kujtojmë se ngjarja ka ndodhur më datë 14.08.2022, ku 22-vjeçarja u dhunua brutalisht dhe u hodh nga kati i dytë i banesës ku jetonte në rrugën “Pandeli Evangjeli” në kryeqytet.
Vajza ndodhej në spitalin e Traumës prej muajit gusht dhe pësoi dëmtime të mëdha që e lanë në koma.
Ajo ishte në gjendje kritike dhe kishte nevojë për kujdes të specializuar neurologjik, i cili nuk ishte i disponueshëm në Shqipëri, kështu e reja la Shqipërinë në fund të janarit për t’u kthyer në vendin e saj, Kenia.
Por Joy nuk ia ka dalë, dhe ka ndërruar jetë për shkak të dëmtimeve të rënda.
Lajmi për vdekjen u konfirmua nga e ëma e saj, Ruth Abongo e cila ka treguar se: “Joy ndërroi jetë mëngjesin e sotëm në spitalin Kenniata në Kenia”.
