Dy shqiptarë të përfshirë në trafikun e drogës në Greqi janë vënë në pranga nga policia.
Mediat helene raportojnë se një prej tyre është 45-vjeç dhe ka qenë i arrestuar më parë për drogë, ndërsa i ndaluari tjetër është i afërmi i tij.
Policia ka lokalizuar në banesën në Aegaleo dhe ka konfiskuar 18 kg kokainë, 122 kg hashash, një pistoletë, fishekë dhe disa peshore. Droga e sekuestruar mendohet të kapë vlerën e 820 mijë eurove.
Dyshimet janë që dy të arrestuarit të jenë pjesë e një rrjeti ndërkombëtar të trafikut të drogës, që kryesisht merret me shitjen e kokainës, e cila hynte në Greqi nëpërmjet Shqipërisë.
