Ambasadori Alastair King-Smit paralajmëroi sanksione nga autoritetet britanike për politikanë dhe biznesmenë shqiptarë gjatë vitit 2023.
Në një prononcim për gazetarët nga Elbasani, ambasadori britanik në vendin tonë tha se gjatë 2023, do sanksionohen biznesmenë dhe politikanë shqiptarë.
“Gjatë këtij viti do të ketë aksione të mëtejshme. Gjatë vitit 2023 do të sanksionohen politikanë dhe bisnesmenë shqiptarë. Do të ketë të tjerë non grata për t’i dhënë fund pandëshkueshmërisë. Do të marrim aksione kundër trafikantëve. Ne do të vijojmë që të investojmë për arsimin dhe universitetet. Kandidatët në zgjedhjet vendore të jenë larg korrupsionit dhe krimit. Dhe mos ketë keqpërdorim të burimeve shtetërore. Dua të flas dhe për emigraciinon. Jemi të shqetësur sepse shumë të rinj po largohen nga Shqipëria në mënyrë të paligjshme. Mesazhi ynë është ‘mos shkoni në këtë mënyrë atje’, e vërteta nuk është ashtu siç tregohet nga trafikantët. E rëndësishme është që të zbatojmë marrveshjen e përbashkët mes dy vendeve. Në bazë të kësaj marrëveshjeje, Shqipëria shihet si një vend i sigurt dhe ata që ikin ilegalisht, do të kthehen. Përveçse do të ndërmarrim aksione kundët trafikantëve, do të sigurohemi që personat që ikin në mënyrë të paligjshme të mos e bëjnë më. Qeveria britanike e njeh dhe e vlerëson shumë kontributin e komunitetit shqiptar në Britani. Ne do të marrim masa ndaj personave të përfshirë në kriminalitet.”, ka thënë ambasadori Alastair King-Smit.
