Një 40-vjeçar nga provinca e Latinës në Itali rrezikon të përfundojë në gjyq, i akuzuar se ka përdorur si objektiv për të gjuajtur me hark, djalin e tij 9-vjeçar, duke lëshuar shigjeta në drejtim të tij.
Hipoteza e krimit është abuzimi në familje. Fëmija, pretendon prokuroria, gjithashtu është nënçmuar dhe rrahur vazhdimisht me rrip lëkure.
Ka qenë nëna e djalit ajo që ka nxjerrë në dritë atë çka ndodhte në banesë. Në mars të vitit 2021, gruaja në fakt ka bërë kallëzim në polici kundër ish-partnerit të saj.
Siç raportohet nga Il Corriere della Sera, gjatë hetimit doli se burri përdorte djalin e tij si objektiv fiks ose të lëvizshëm, duke gjuajtur shigjeta nga beli poshtë. Jo vetëm kaq, fëmija është rrahur dhe fyer, me babain që e ka quajtur “fakeq”, duke e akuzuar se ka preferuar nënën përpara tij.
I vogli tashmë është dëgjuar në një seancë të mbrojtur dhe ka konfirmuar dhunën e dyshuar të pësuar nga babai i tij. Tani i takon gjyqtarit të vendosë për një proces të mundshëm ndaj burrit, i cili u arrestua të premten edhe për trafik droge.
