Një shqiptar ka përfunduar pas hekurave në Firence pasi akuzohet për trafik droge.
ANSA raporton se korrieri i drogës është kapur me 4 kg kokainë në makinë, në daljen Scandiçi të autostradës A1 falë një aksioni të GdF në bashkëpunim me policinë rrugore pranë hyrjeve dhe daljeve të autostradës nga provinca e Firences.
Shqiptari i arrestuar është emigrant ilegal në Itali. Në momentin e kontrollit ai u përpoq të qëndronte i qetë, por kur në skenë kanë dalë qentë e policisë ai ka shfaqur shenja nervozizmi, gjë që i ka bërë oficerët të dyshojnë.
Në kontroll u gjet në makinë një fund fals që mund të hapej me komandë elektronike. Brenda kishte katër copa kokainë me peshë rreth 1 kg secila.
