Boksieri shqiptar Jurgen Uldedaj ia doli të triumfojë në debutimin e tij në Londër përballë rivalit të tij, Bruno Igor Hong.
Përballja nisi e luftuar nga të dy boksierët, me argjentinasin që fillimisht tentoi të godiste Uldedaj, por shqiptari u mbrojt mjaft mirë.
Në raundin e katërt, boksieri lezhjan arriti të fitonte këtë takim me kock out teknik, pasi Hong u tërhoq.
Ndeshja e Jurgen Uldedaj | VIDEO
Boksieri kuqezi ka arritur të marrë fitoren e tij të 12-të, në po aq ndeshje të zhvilluara nga 25-vjeçari. Gjithashtu, Uldedaj i shkaktoi humbjen e nëntë rivalit të tij Bruno Igor Hong.
