Interi mund të ndryshojë pronarë dhe kjo për shkak të borxheve. “Calcio e Finanza” në Itali ka siguruar dokumentacionet që lidhen me një padi që është ngritur në Hong Kong për presidentin e klubit nga Milano, Steven Zhang.
Ai nuk ka shlyer borxhin 300 milionë euro ndaj China Construction Bank Asia, që mund të marrë nga aksionet e Zhang tek Interi.
Biznesmeni kinez ka edhe telashe të tjera, pasi në fillim të marsit është programuar edhe një tjetër seancë gjyqësore në Milano. Kreditorët duan që të bllokojnë të ardhurat që Zhang merr si president i klubit të Interit.
Ndërkohë mediat në Itali, referuar “Asia Sentinel”, shkruajnë se kreu i klubit italian rrezikon edhe burgun prej padisë në Hong Kong, konkretisht një dënim me tre muaj heqje lirie.
