Jonida Çobani është animalistja e njohur e cila shpesh është bërë virale në rrjetet sociale për prononcimet që jep.
Së fundmi ajo ka komentuar një video ku një influencer-e (pianiste në profesion) i mëshon dietës mishngrënëse dhe argumenton se ata që konsumojnë mish kanë shumë përfitime edhe në anën fiziologjike.
Madje sipas influencere-s në video, mishngrënësit nuk kanë nevojë që të përdorin deodorant, parfum, as sapun apo kolinoz për larjen e dhëmbëve.
Kjo, sepse mishngrënësit nuk mbajnë aspak aromë të keqe sipas saj. Madje kombinim më të mirë ajo cilëson mishin dhe gjalpin, dy produkte kryesore në dietën 30 ditore që ajo ka vendosur të ndjekë.
Por për animilaisten Jonida Çobani, e cila u bë e njohur për deklaratën e saj se edhe uji dhe bimët kanë ndjenja që ndryshojnë në varësi të sjelljes së njerëzve pranë tyre dhe që mishi i njeriut është më i shijshëm, deklarata e pianistes influencer-e është e gabuar.
Çobani shprehet se njerëzve që hanë mish u mban erë trupi.
Sipas saj mishi ka qenë pjesë dietës së mbijetesës për paraardhësit, por sot ka alternativa të proteinave që nxjerrim nga mishi që mund t’i gjejmë nga bota bimore.
“Nuk është etike, nuk është njerëzore, dukemi si barbarë. Nga ana tjetër, mishngrënësit vijnë më shumë era djersë”, tha animalistja.
