Grabitjet e vilave kryesisht në zonat turistike të Spanjës nga grupe të rinjsh shqiptarë janë kthyer në “modë” në vitet e fundit dhe bandat e “skifterëve” gjithmonë e më shumë po goditen nga policia vendase.
Së fundmi tre shqioptarë të moshës 22, 25 dhe 43 vjeç kanë rënë në prana pasi së bashku ishin pjesë e një bande të vendosur në Vigo, ku kryenin grabitje banesash.
Ata banonin në një institucion të “Alfonso XIII” dhe kishin mbërritur me autobus nga A Coruña.
Ata deklaruan se kishin shkuar në Spanjë për të kaluar dhjetë ditë pushime dhe më i vogli shtoi se kishte ardhur për të bërë një punë si student.
Shqiptarët thanë se më parë kishin qenë në Barcelonë, Madrid dhe Coruña. Gjatë dëshmisë, një prej tyre deklaroi se ndihej i kërcënuar në vendin e tij sepse vjehrri i tij donte ta vriste.
Sakaq gjykata ka urdhëruar kthimin e tyre në vendin e origjinës dhe deri në momentin e dëbimit treshja e grabitësve do të mbahet në qendrën e largimit për të huajt në Valencia.
