Një sasi rekord prej 4.5 ton kokainë, e fshehur në një anije që përdorej për transportin ndërkombëtar të bagëtive, është sekuestruar në një aksion të Gardës Civile spanjolle.
Mediat në Spanjë raportojnë se kokaina është vlerësuar të arrinte në treg një vlerë prej 105 milion eurosh.
Ndërkohë, janë publikuar edhe pamjet ku agjentët spanjollë zbarkojnë në anijen blegtorale në mes të detit, pranë ishujve Kanarie, në aksionin që është realizuar në fillim të kësaj jave.
🚩Intervenido en Canarias un carguero con 4.500 kilos de cocaína procedente de #Colombia
🚩Operación conjunta con la Agencia Tributaria
🚩 El ‘Orión V’ ha sido interceptado por parte del buque ‘Fulmar’ de Vigilancia Aduanera
🚩Detenidos los 28 tripulantes del carguero pic.twitter.com/C5iTTlCNyN
— Policía Nacional (@policia) January 28, 2023
Anija ishte nisur nga Kolumbia dhe kishte bërë ndalesa në rreth 12 vende përpara bastisjes të së martës.
Sipas autoriteteve spanjolle trafikantët e drogës kanë filluar të përdorin anijet e bagëtive sepse është më e vështirë për policinë të gjurmojë ngarkesën e tyre të paligjshme.
Ata kanë arrestuar 28 anëtarë të ekuipazhit të anije “Orion V” me flamur togolez. Ekuipazhi ka qenë nën monitorim të vazhdueshëm që nga Kolumbia prej Agjencisë Amerikane të Zbulimit të Drogës dhe policisë Togoleze.
