Një efektiv policie është akuzuar nga aktorja e humorit Delinda Disha se ka kaluar çdo kompetencë dhe rregull të uniformës që mban veshur duke e ngacmuar seksualisht teksa e kishte ndaluar pas shkeljes së rregullave të qarkullimit.
Aktorja u bën thirrje të gjitha grave dhe vajzave që të bëjnë kujdes me policin që e ndaloi për ta gjobitur, i cili guxoi edhe ta ngacmonte.
Në një postim në Instagram, Delinda Disha shkruan: “Ruhuni o gra, vajza, nëna, motra se sot keni në qarkullim një polic që përveç gjobës ju bën dhe si kodosh…. Eh kur do dhe polici në orar të punës të gjuaj për laraska. Drejtoria të marrë masa për policët që shkelin etikën e punës dhe kalojnë kufinjtë e komunikimit, nuk respektojnë uniformën”.
Më pas aktorja ka postuar edhe disa nga mesazhet që i kanë dërguar vajza që janë gjendur në të njëjtën situatë me të përballë efektivëve që shkelin etikën e komunikimit duke i shprehur pëlqim dhe ngacmuar.
Në një prej mesazheve thuhet se polici që i vuri gjobën nuk hezitoi ta gjente vajzën në Instagram dhe t’i bënte ‘follow’.
