Një aksident i tmerrshëm rrugor ka ndodhur mbrëmjen e së dielës në Itali, duke i marrë jetën tre të rinjve.
Mediat vendase raportojnë se në zonën Massafra (Taranto), në rrugën që të çon për në Martina Franca një automjet “Opel Corsa” është përplasur me një mur betoni duke shkaktuar tragjedi.
Në vendngjarje ka ndërruar jetë një vajzë 13-vjeçare, vëllai i saj 18-vjeç dhe drejtuesi i mjetit, një 19-vjeçar.
Sakaq raportohet se një djalë i katërt ka mbetur i plagosur rëndë, pasi përplasja ka qenë jashtëzakonisht e fortë.
Hetuesit dyshojnë se ka qenë asfalti i lagur nga shiu që ka kontribuar në aksident.
