E FUNDIT/ Prindërit “ngritën në këmbë” policinë, gjenden tre vajzat e mitura në Tiranë
Në orët e vona të mbrëmjes së të dielës ka marrë fund drama e dy prindërve nga Maqellara, të cilët gjatë paradites kishin ngritur në këmbë policinë e Dibrës duke denoncuar zhdukjen nga banesa të tre vajzave të tyre të mitura.
Pas shpalljes në kërkim të vajzave, është bërë e mundur gjetja e tyre në Tiranë. Mësohet se policia i ka shoqëruar tre të miturat në Komisariatin Nr.1 në kryeqytet dhe gjendja e tyre shëndetësore raportohet të jetë optimale.
Pritet që vajzat të merren në pyetje nga hetuesit në prani të psikologut për të kuptuar arsyet që i çuan në largimin prej shtëpisë.
Njoftimi:
Dibër/ Me datë 22.01.2023, rreth orës 19.30, në Postën e Policisë Maqellarë janë paraqitur dhe kanë bërë kallzim shtetasit :
L.P., dhe M.H., të cilët kanë deklaruar se janë larguar nga banesa pa adresë tre vajzat e tyre të mitura.
Menjëherë është bërë shpallja në kërkim dhe si rezultat i shkëmbimit të informacionit dhe veprimeve të mirë koordinuara me shërbimet e DVP Tiranë, është bërë e mundur gjetja e tre shtetasve të mitura në Tiranë, të cilat janë shoqëruar nga Policia në Komisariatin nr 1.
Të miturat ndodhen në gjendje të mirë shëndetësore dhe po meren në pyetje në prani të psikologut.
