Moti i keq me reshje intensive shiu dhe erë të fortë ka shkaktuar vonesa në nisjen e trageteve në portin e Durrësit drejt Barit.
Mbrëmjen e djeshme për shkak të përkeqësimit të kushteve atmosferike është pezulluar nisja e trageteve të orës 23:00 të cilët janë nisur mëngjesin e sotëm në orën 06:00 dhe 07:00.
Ndërkohë po vijon lundrimi i dy trageteve nga porti i Barit drejt Durrësit të cilët pritet të mbërrijnë me vonesë, rreth orës 10:30 dhe 11:30.
Në qytet ka patur në orët e mëngjesit shira të vrullshëm me alternime breshëri.
Lumenjtë Ishëm dhe Erzen janë fryrë, por ende nuk raportohet të kenë dalë nga shtrati.
