Një 32-vjeçar i shpallur në kërkim në Itali si pjestar i një organizate kriminale për trafikim droge, u arrestua në Durrës.
“Specialistët për Hetimin e Trafiqeve të Paligjshme dhe Narkotikëve të DVP Durrës, në bashkëpunim me shërbimet e ZQK Interpol Tirana, në vijim të punës për lokalizimin dhe vënien në pranga të shtetasve të shpallur në kërkim, kapën dhe arrestuan përkohësisht, me qëllim ekstradimin drejt Italisë, shtetasin A. L., 32 vjeç, banues në Durrës. 32-vjeçarit i është caktuar nga Gjykata e Milanos, masa e sigurisë arrest në burg, për veprën penale ‘Trafikimi i lëndëve narkotike’, kryer në formën e organizatës kriminale, parashikuar nga Kodi Penal i Italisë,” njoftoi policia.
“Në bashkëpunim me ZQK Interpol Tirana, vijon puna për ekstradimin e shtetasit A. L.. Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme”, shtuan të njëjtat burime.
