Një aksident tragjik është regjistruar në Padova të Italisë, ku kanë humbur jetën tre persona, një grua dhe dy burra.
Viktimat janë Martina Pagnin, 46 vjeçe jetonte në Legnaro dhe udhëtonte së bashku me Diego Rampazo, 46 vjeç, nga Sant’Angelo di Piove dhe 45-vjeçari shqiptar Eduard Ndoj me banim në Pontelongo, i cili po drejtonte makinën.
Eduard Ndoj, me nofkën Giza, jetonte në Pontelongo dhe ishte i njohur në zonën e Piovese. Dyzet e pesë vjeç, me origjinë shqiptare, ishte i njohur për policinë për disa precedentë të lidhur me trafikun e drogës, shkruan Corrieredelveneto.corriere.it.
Mësohet se ai ishte një entuziast i madh i motorëve dhe makinave me motor të madh. Mjeti ‘Audi A6’ në të cilin të tre viktimat gjetën vdekjen, është e njëjta makinë që ishte protagoniste e fotove dhe videove që Ndoj shpërndante në Facebook dhe Instagram. Postimi i fundit daton më pak se 24 orë para aksidentit në të cilin mbeti i vrarë.
Autoritetet italiane po hetojnë për zbardhjen e shkaqeve të aksidentit të rëndë.
