Një ngjarje tragjike është regjistruar në Fier pasditen e djeshme.
Sipas informacionit të shpërndarë nga policia, një 64-vjeçare ka ndërruar jetë pasi është goditur nga dashi teksa kulloste tufën e bagëtive.
“Sipas informacioneve zyrtare, në datë 11.01.2023, rreth orës 15:30, në fshatin Lalar, ka ndërruar jetë shtetasja F. V., 64 vjeçe, e cila është goditur nga një bagëti e imët (dash). Mësohet se gruaja ka qenë duke kullotur tufën e dhenve, kur ka ndodhur dhe incidenti i pazakontë fatal që i ka marrë jetën”, njofton policia.
Sakaq, materialet i kaluan Prokurorisë, për veprime të mëtejshme.
