Eksperti i kriminalistikës dhe sigurisë, Ervin Karamuço, ishte një tjetër që ka rënë pre e grabitjes së pastrueses Rozeta Dobi.
Lajmin e ka bërë vetë me dije ai duke folur për mediat.
Karamuço ka treguar se pastruesja, e cila ka punuar dhe në banesën e tij, i kishte vjedhur unazën e martesës
Në emisionin “Opinion” mbrëmjen e sotme, ai zbuloi po ashtu se i kishte vjedhur madje edhe bluzën e djalit.
Karamuço tha se kur i biri i pastrueses doli në gjykatë për masën e sigurisë, kishte veshur bluzën e djalit të tij.
“Gjatë kohës që ka dalë djali i saj në ekran kemi vënë re që bluza që kishte veshur ishte e djalit tim. Më tha: O ba kjo është bluza ime”, tregoi Karamuço, që shtoi se familja e tij nuk dinte asgjë për ngjarjen.
“Kishim nevojë për një pastruese dhe vinte 3 herë në muaj me një pagesë prej 2 mijë lekësh. Kishte 20 familje që punonte. Gruaja ime e kishte marrë para disa ditësh dhe i kishte thënë kam një dhimbje koke”, tha Karamuço duke shtuar se se Dobi kishte 20 vite që punonte dhe kishte hyrë në shumë shtëpira.
