Policia në ishullin e Evias në Greqi ka arritur të shmangë një ngjarje tepër të rëndë. Sipas Protothema.gr shërbimet e policisë janë vënë në kërkim për të gjetur një burrë, i cili pasi ka dhunuar bashkëshorten e tij, ka tentuar edhe ta djegë të gjallë duke i vendosur flakën.
Ngjarja ka ndodhur në zonën e Kalkidhës të premten në mbrëmje, kur ajo debatoi me bashkëshortin për një arsye ende të panjohur dhe ai e goditi dhe u largua nga shtëpia.
Ajo ka njoftuar policinë, por para se të mbërrinin forcat e rendit autori është kthyer në shtëpi dhe ka tentuar t’i vërë flakën.
Gruaja ka arritur të arratiset dhe të lajmërojë sërish policinë, e cila po kërkon burrin që tentoi të kryente krimine rëndë.
