Ka ndërruar jetë në spitalin e QSUT në Tiranë, Enver Sheshi, i arrestuar për aferën e inceneratorëve.
59-vjeçari është ndjerë keq ditën e djeshme dhe rreth orës 06:15 është nxjerrë me urgjencë nga burgu “313” duke u dërguar në QSUT, ku ka ndërruar jetë, dyshohet për shkak të arrestit kardiak.
Enver Sheshi u arrestua pas skandalit të inceneratorit të Fierit. Ai akuzohej për veprime fiktive, shmangie të TVSH-së dhe shpërdorim detyre.
I denoncuar edhe nga LSI, Sheshi dyshohet se kishte hapur disa kompani fiktive, duke përfituar rreth 420 milionë lekë të vjetra.
Grupi hetimor po heton mbi shkaqet dhe rrethanat e vdekjes së tij.
