Sot, 6 janar, është dita e Ujit të Bekuar për besimtarët ortodoksë. Uji i shenjtë ose Uji i Bekuar, siç njihet nga të gjithë, është një nga dhuratat më të bukura të Zotit për t’i dhënë një pjesë të shenjtë jetës sonë të përditshme dhe për t’i bërë të shenjta të gjitha gjërat që na rrethojnë.
Në qytetin e Korçës është mbajtur ceremonia e ujit të bekuar, rit i cili festohet çdo 6 janar nga besimtarët ortodoksë.
Fillimisht mesha është zhvilluar në Katedralen “Ngjallja e Krishtit” me bekimin e ujit dhe më pas imzot Johan Pelushi me kryqin ka përshkuar rrugën drejt shatërvanit në lulishten Vangjush Mio ku është bërë hedhja e kryqit.
Kryqi është kapur nga Ervis Rakipi, 21 vjeç.
