Biografia e Princit Harry që po trondit britanikët dhe botën mbarë me rrëfimet e trashëgimtarit të frondit mbretëror, fsheh edhe një tjetër histori me detaje të pabesueshme.
Vetë Harry ka rrëfyer kujtimet e tij lidhur me aferën e dashurisë midis nënës së tij Princeshë Dianës dhe majorit James Hewitt dhe pretendon se babai i tij Mbreti Charles III njëherë ka bërë një shaka pa krip me të duke i thënë: “Kush e di nëse unë jam babai jot i vërtetë?”.
“Ndoshta babai yt është vërtet në Broadmoor, biri im i dashur!”, e vazhdoi shakan e tij të hidhur Charles III duke pasur parasysh thashethemet që qarkullonin në atë kohë se babai i tij i vërtetë ishte James Heëitt.
Hewitt pati një lidhje pesëvjeçare me Princeshën Diana kur ishte një oficer i ri i Kalorësisë, nga 1986 deri në 1991.
Këtë e konfirmoi Princesha e Uellsit gjatë intervistës tashmë famëkeqe të “Panoramas” me gazetarin Martin Bashir.
Ngjashmëria e Harrit me oficerin e Ushtrisë çoi në pretendimet se ai ishte produkt i lidhjes jashtëmartesore të princeshës së Uellsit.
Duka i Sussex rrëfen se Çarlsit “i pëlqente të tregonte anekdota” dhe se “një nga më të mirat e tij ishte një histori e një vizite në një azil ku ai takoi një burrë që pretendonte se ishte Princi i Uellsit”.
Sipas rrëfimit të historisë nga Harry, Çarlsi tundi gishtin në drejtim të pacientit dhe i tha: “Le të shohim, ju nuk mund të jeni Princi i Uellsit, unë jam Princi i Uellsit”, vetëm që burri t’i përgjigjej me të njëjtin gjest.
