Tre të vdekur dhe tre të plagosur kanë mbetur nga aksident i ndodhur mbrëmjen e sotme te “Rruga e Arbrit”.
Kujtim Istrefi, Murat Istrefi dhe Lulzime Istrefi, kanë humbur jetën. Ata udhëtonin me një automjet, që është përplasur me një tjetër makinë.
Përplasja fatale ka nodhur rreth orës 18:15, në aksin rrugor Fushë Bulqizë-Shupenzë, në vendin e quajtur ‘Ura e Gjoricës’.
“Janë përfshirë në një aksident rrugor 2 automjete dhe për pasojë kanë humbur jetën në vendngjarje shtetasit K.I., dhe M.I. si dhe ka humbur jetën në spital shtetasja L.I.”, njoftoi policia.
Katër të tjerë kanë mbetur të plagosur.
“Gjithashtu janë transportuar për ndihmë mjekësore në spital shtetaset F.I., K.M., dhe shtetasit M.L., E.L., pasagjer në automjete”, shton policia.
Grupi hetimor ndodhet në vendin e ngjarjes po punon zbardhjen e shkaqeve të aksidentit, mbyllet njoftimi i bluve.
