Kthimi i emigrantëve në atdhe ka shkaktuar trafik edhe në Lezhë.
Problematika më e madhe paraqitet në hyrje dhe dalje të qytetit si dhe pranë tregut të lirë. Qytetarët kërkojnë zgjidhje, teksa shprehen se trafiku i rënduar është një problematikë e vazhdueshme që i pengon të vijojnë normalisht jetën.
Më herët u raportua për të njëjtën problematike në Vlorë dhe në pikën kufitare të Morinës. Vetëm nga Morina janë futur mbi 10 mijë shqiptarë në 24 orët e fundit. Trafiku shkaktohet edhe nga daljet, pasi ka edhe shqiptarë që kanë preferuar ta kalojn fundvitin jashtë vendit.
