Ndeshja e League 1 mes Plymouth dhe Wycombe është mbyllur me frikë, pasi një prej lojtarëve ka humbur ndjenjat pas përfundimit të ndeshjes.
Tjay De Barr, futbollisti 22-vjeçar i Wycombe, humbi ndjenjat ndërsa pasi iu dha ndihma e parë në fushën e lojës u transportua menjëherë në spital.
Pas disa orësh në spital, futbollisti është transferuar në shtëpi në gjendje të mirë shëndetësore.
Pjesë e ekipit të Wycombe është edhe futbollisti shqiptar Anis Mehmeti, i cili po shkëlqen këtë sezon në Angli. Mehmeti, i cili luan si mesfushor, ka zhvilluar 24 ndeshje, në të cilat ka realizuar 8 gola dhe 3 asiste.
