Fluks i lartë pasagjerësh është regjistruar në 24 orët e fundit në portin e Vlorës. Sipas shefit të përpunimit të trageteve në port, Festim Skëndaj, rreth 3 mijë pasagjerë kanë mbërritur në këtë port me tragete nga Italia.
Për shkak të kthimit në atdhe të emigrantëve me rastin e festave të fundvitit, autoritet portuale në Vlorë thonë se fluksi pritet të vijojë edhe në ditët e ardhshme referuar edhe prenotimeve.
Numri i të mbërriturve në vendin tonë aktualisht është rreth dyfishi i të njëjtës periudhe të një viti më parë, e ajo që bie në sy është fakti që shumë prej pasagjerëve janë emigrantë.
Këta të fundit, këtë vit, duket se kanë ardhur për të kaluar festat me të afërmit.
