Ramzan Kadirov njihet botërisht si krahu i djathtë i Vladimir Putin. Lideri i Çeçenisë është një nga komandantët më gjakatarë të ushtrisë ruse në pushtimin e Ukrainës dhe ka bërë bujë me veprimet e tij apo me deklaratat që lëshon, Duket se plani i tij për pushtimet përfshin edhe atw tw botës së sportit.
Djali i tij 15-vjeçar, Ali, ka debutuar në botën e MMA në Moskë në njw turne zyrtar dhe me lumturi Ramzan Kadirov ka parë se si pasardhësi i tij ka fituar brenda një minute. Por videoja e fitores së tij ka bërë xhiron e rrjetit pasi është e dukshme se po bëhej maksimumi që ai të shpallej fitues.
Dueli i tij me Islam Akbarov, i cili ishte gjithashtu debutues, u zgjidh brenda pak çastesh. Ali rrëzoi në tokë kundërshtarin e tij dhe filloi ta godiste me grusht, por jo aq sa për të bërë efekt, por gjyqtari nxitoi ta mbyllte ndeshjen duke e shpallur fitore me KO teknik. Kadirov ishte i lumturuar nga ky sukses i djalit të tij, por në rrjetet sociale, kanë shpërthyer talljet se si lideri çeçen kishte arritur deri në këtë pikë, meqë eventi organizohej pikërisht nga ai.
https://twitter.com/i/status/1606314661623861248
