Një prej personave të përfshirë në listën e 10 më të kërkuarve ndërkombëtarisht nga FBI-ja, është vënë në pranga në Madrid të Spanjës.
Michael James Pratt, i cili akuzohet për shpërndarjen dhe prodhimin e materialeve pornografike me të mitur ra në prangat e policisë në Madrird, pasi ishte arratisur nga Amerika.
Më herët ishte ofruar dhe një shpërblim prej 100, 000 dollarësh për këdo që ndihmonte në kapjen e pedofilit që arritit të fitonte 14 milionë paund nga publikimi i materialeve pornografike që kishte xhiruar.
Michael James Pratt është shtetas i Zelandës së Re, ndërsa në SHBA ai është dënuar me burgim të përjetshëm në mungesë.
Prat ishte administrator i faqeve për të rritur, “GirlsDoPorn” dhe “GirlsDoToys”, ku shpërndaheshin qindra video më përmbajtje pornografike, me vajza të mitura, të cilat rekrutoheshin përmes mashtrimit.
Fakti më i tmerrshëm është se në disa përmbajtje tregoheshin dhe pamje nga sulme seksuale që u bëheshin vajzave të mitura në rrugë.
Ai gjithashtu pagoi gra të tjera si ‘karrem’ për të bindur vajzat e mitura që videot e tyre nuk do të publikoheshin në internet.
Ndonjëherë viktimat mbaheshin kundër vullnetit të tyre dhe në rastet më të këqija ato detyroheshin të kryenin praktika seksuale të cilat më parë i kishin refuzuar shprehimisht.
Një urdhër arresti federal u lëshua për Pratt në Gjykatën e Qarkut të Shteteve të Bashkuara, Qarku Jugor i Kalifornisë, më 6 nëntor 2019.
