Ish-ministri i Financave Arben Ahmetaj, i cili gjendet ndoshta në periudhën e tij më të vështirë që kur është inkuadruar në politikë, pas zbulimit të faturave të hoteleve që Klodian Zoto i paguante në këmbim të favoreve me aferën e inceneratorëve, duket se ka humbur dhe nofkën e tij të famshme “Tigri”.
Pasi kryeministri Edi Rama e la jashtë festës së Grupit të PS për fundvitin dhe madje e “hodhi në gojë të ujkut” pas një mbledhje të pak ditëve më parë, Ahmetaj ka marrë “goditje” dhe nga një kolege e tij në mazhorancë.
“Të vërtetat individuale të gjithësecilit, janë individuale. Nëse ne nisemi në betejë dhe rrugës dikush këput edhe dardha e mollë për t’i futur në trasta pas shpinës time, kjo është një çështje që ka të bëjë me drejtësinë. Nuk mund të bëhen spekulime dhe komente mbi copa të dhënash të cilat janë të gjitha për t’u hetuar. Kur të hetohen dhe nëse do ketë një vendim mbi to, atëherë unë do flas përsëri siç kam folur gjithmonë”, u shpreh Rama pak ditë më parë referuar “llogarive” të hapura të Ahmetajt me SPAK-un.
Sakaq, ministrja e Shtetit për Rininë dhe Fëmijët, Bora Muzhaqi teksa ka qenë e ftuar në emisionin “Jo Vetëm Modë” dhe i është përgjigjur pyetjeve komike, tha se njeh zv/kryeministren Belinda Balluku si “tigrin” e vetëm të politikës.
Përgjigja befasuese e Muzhaqit, e cila njihet për disa gafa të bujshme në takimet e qeverisë dhe seancat parlamentare erdhi pasi u pyet se cili është Tigri në politikën shqiptare.
BISEDA:
Orinda Huta: Kush eshtë për ty në politikë tigri?
Bora Muzhaqi: Unë si natyrë jam feministe, kështu që për mua tigri në politikë është Belinda.
Orinda Huta: Ok, hiena?
Bora Muzhaqi: U bë e vështirë. Hiena kam përshtypjen që do i ngelet hatri personave që kështu…
Orinda Huta: Po luani atëherë, ma thuaj Luanin.
Eraldo Rexho: Mbreti i kafshëve, ti e di kush është mbreti.
Bora Muzhaqi: Ju e dini që përgjigjia bëhet klishe, kështu që nuk mund të themi përgjigjen tipike që pritej.
Orinda Huta: Zgjidh një grua prapë, Bora.
Bora Muzhaqi: Luani, Elisa Spiropali.
