Dy ish-konkurrentët e sezonit të dytë të “Për’puthen”, Andi Artani dhe Jasmin Kadriu ishin një ndër çiftet më të përfolur të programit të dashurisë.
Andi është tashmë pjesëmarrës në “Big Brother Vip Kosova” dhe gjatë bisedës me disa banorë zbuloi disa detaje nga ndarja.
“Me këtë çikën kemi dalë rreth gjashtë takime, unë u pata deklaru për të më pas… Jam shumë njeri paqësor, i kuptushëm, am po të vi tani ty e po të shaj kështu, s’po them që ma ka bo mu, mu ma ka bo në fomra të tjera.
Ka qenë dobësuar pasi u ndamë, u bë keq. Unë jam shumë njeri i kuptueshëm, por ajo edhe në shoqëri ka qenë shumë, ia zinte frymën shoqeve të veta, le mo mu që më ka parë në mënyrë tjetër. Ishte shumë posesive”-tha ai.
Më tej Andi theksoi se askush nuk mund ta detyrojë të dojë dikë.
“Mu s’mundesh me zor me më shti me të dashtë. Shëndeti yt mendor është ma i rëndësishëm se gjanat e tjera, s’mundem me zor edhe pikë”- u shpreh Andi, i cili nxiti shumë komente në faqen zyrtare të “BBV”.
