Një 27-vjeçar problematik në zonën e Kurbinit është vënë në pranga nga policia, pasi mbi të rëndonte një vendim i Gjykatës së Krujës për “arrest me burg”.
I riu, që më parë ka qenë i arrestuar për grabitje me armë, është akuzuar nga një vajzë e mitur se e ka përndjekur me qëllim abuzimin me të.
Njoftimi i policisë:
Strukturat e Komisariatit të Policisë Kurbin, si rezultat i veprimeve të koordinuara policore, falë përdorimit të inteligjencës informative dhe shkëmbimit të informacionit me shërbimet e Komisariatit të Policisë Krujë bënë të mundur lokalizimin, kapjen dhe ndalimin e tyre, konkretisht:
– Emiljan Nikolli (Lleshaj), 27 vjeç, banues në Mamurras, i dënuar më parë për vjedhje me armë dhe armëmbajtje pa leje. Për këtë shtetas, Gjykata e Rrethit Gjyqësor Krujë, me vendimin e datës 22.07.2022, ka caktuar masën e sigurisë “Arrest në burg”, për veprën penale “Përndjekja”, pasi dyshohet se ka përndjekur një shtetase të mitur.
