Këngëtarja e njohur, Becky G dhe partneri i saj, Sebastian Lletget janë fejuar pas 6 vitesh lidhje.
Lajmin e bukur e ka bërë me dije vetë ylli i popit me anë të një postimi në Instagram.
Krahas disa imazheve nga momenti i propozimit ku duket shumë e lumtur me partnerin e saj futbollist, Becky shkruan: “Vendi ynë përgjithmonë.”
Miqtë e famshëm dhe fansat e çiftit nxituan t’i uronin në seksionin e komenteve.
Edhe pse dyshja e kanë mbajtur romancën e tyre relativisht private, Becky G së fundmi zbuloi se lidhja e tyre ishte më e fortë se kurrë.
“Ne kemi qenë së bashku për më shumë se gjashtë vjet tani dhe është krejt e re në shumë mënyra, sepse ne me të vërtetë po përqafojmë ndryshimet që po ndodhin në jetën tonë, brenda vetes dhe po mbështesim njëri-tjetrin në këtë”, tha këngëtarja e “Mayores” për “People” në tetor, duke shtuar se “gjërat kanë qenë vërtet në linjë” për çiftin.
“Unë mendoj se shumë njerëz mendojnë se marrëdhëniet thjesht ndodhin – dhe ato nuk ndodhin thjesht. Të biesh në dashuri është një gjë, dhe unë mendoj se të qëndrosh i dashuruar është një gjë tjetër. Jam shumë krenare për faktin se ai është shoku im më i mirë”, kishte deklaruar ylli i muzikës.
