Dy gazetarë kosovarë janë sulmuar në Mitrovicën Veriore, teksa raportonin për ngjarjet e fundit në zonën e banuar nga serbët.
Makina me të cilën po udhëtonin producenti Valdet Salihu dhe gazetarja Shkodrane Dakaj është sulmuar nga persona të maskuar në afërsi të Shkollës Teknike.
Personat e maskuar shihen në video teksa qëndrojnë në udhëkryqin e kësaj lagjeje, duke mbikëqyrur çdo lëvizje të automjeteve në të.
Njëri prej agresorëve ka goditur me grushte makinën ndërsa mjete të forta janë hedhur edhe nga pjesëtarët e tjerë të grupit.
Dy gazetarët kanë arritur të shpëtojnë pa lëndime fizike duke u larguar me shpejtësi në drejtim të zonave të tjera të Mitrovicës.
