Në një ditë historike për demokracinë e brendshme Partia Demokratike është vendosur sot në qendër të vëmendjes teksa i ka dhënë jetë procesit të Primareve, i kërkuar me kaq shumë insistim nga kreu i selisë blu Sali Berisha për përzgjedhjen e kandidatëve për zgjedhjet lokale të 14 majit.
Anëtarësia dhe simpatizantët e PD në 58 bashki ku akutalisht ka garë dhe po zhvillohen votimet i janë drejtar QV-ve për t’i dhënë mbështetjet kandidatit që ata mendojnë se do t’i përfaqësoje denjësisht në garën përballë mazhorancës, e më pas drejtimin e pushtetit lokal.
Në selinë e PD për 1 nga 7 kandidatët në garë për bashkinë e Tiranës, votoi edhe kryedemokrati Sali Berisha, i cili shoqërohej nga bashkëshortja, Liri Berisha.
Sakaq edhe 7 kandidatët në garë për bashkinë e kryeqytetit iu drejtuan Qendrës së Votimit në selinë e PD për të ushtruar të drejtën e tyre të votës.
Selia blu duket se është shndërruar sot në një tempull të vërtetë demokracie dhe fotogaleria e mëposhtme tregon ecurinë mbresëlënëse të procesit të votimit dhe entuziazmin në PD.
