Duhej të ishte një histori dashurie por ka përfunduar në dhunë dhe frike për 21 vjeçaren nga Ukraina e cila denoncoi të dashurin e saj durrsak, Almarjo Xhebexhi.
Policia ka arrestuar në flagrancë 24 vjeçarin Almarjo Xhebexhia, nga Shkallnuri ndërsa vajza e cila është dhunuar dhe mbajtur e mbyllur në hotel është identifikuar me inicialet V.H. 21 vjeçe, banuese në Ukrainë”.
Rrëfimi i ukrainases
Dy të rinjtë ishin njohur në muajin korrik në Malin e Zi teksa ndodheshin me pushime dhe më pas krijuan një lidhje dashurie. “Pasi u njohëm mbajtëm kontakte, ndërruam numrat e telefonit dhe adresat e rrjeteve sociale. Më pëlqeu si djalë dhe komunikonim thuajse përditë, më pas krijuam një lidhje dashurie. Më kërkoi të vija në Shqipëri dhe pasi mbërrita, më dërgoi në një hotel ku më më dhunoi e më rrahu shumë rëndë” ka rrëfyer për grupin hetimor vajza nga Ukraina.
“Nuk e di arsyen pse kërkonte të qëndroja ndërkohë që nuk më ka prezantuar as me familjen”, është shprehur ajo, duke ngritur dyshime se mund të prostituohej nga 24-vjeçari.
21-vjeçarja ndodhet në spitalin e Durrësit nën kujdesin e bluzave të bardha dhe nën mbikëqyrjen e uniformave blu të qytetit bregdetar.
Policia e Durrësit dyshon se ai e ka rrahur ukrainasen, me qëllim që ajo të pranonte nga ana e tij shfrytëzimin për prostitucion.
