Në orën 16:00 do të luhen dy sfidat e fundit të grupit H në Botërorin e Katarit, me Korenë e Jugut që do të përballet me Portugalinë për të ëndërruar një kualifikim të mundshëm duke qenë se luzitanët i kanë mbyllur tashmë llogaritë në vendin e parë.
Ekipi i i Fernando Santos vjen në këtë sfidë pas dy fitoreve ndaj Ganës dhe Uruguait dhe kryeson me 6 pikë. Kjo e ka shtyrë teknikun portugez që të “kursejë” artilerinë e rëndë, duke hedhur në fushë nga formacioni kryesor vetëm Cristiano Ronaldon, mbrojtësin Joao Cancelo dhe portierin Diego Costa.
Ndërkohë koreanët do t’i varin shpresat tek ylli i tyre dhe i Totenhamit, Son Heung-min pas një humbje dhe një barazimi që kanë regjistruar në dy ndeshjet e para.
Sakaq, sfida që premton spektakël do të jetë Ganë-Uruguai, me afrikanët që synojnë të kalojnë grupin.
Ata renditen aktualisht të dytët pas Portugalisë me një 3 pikësh të vyer që rrëmbyen ndaj Koresë së Jugut.
Uruguai do të tentojë në krahun tjetër të realizojë një mrekulli pas dy paraqitjeve zhgënjyese me luzitanët dhe koreanët. Në fushë për uruguajanët do të zbresin titullar, Bentacur, Valverde, Darvin Nunes dhe Luis Suarez për të synuar që të sigurojnë një biletë për më tej.
